अनाथो नाम यस्य न कोऽपि परिपालकः परिपोषको वा। न नाथः यस्य स अनाथः। मातृपितृविहीनः
अनाथ इत्युच्यते। माता बालं पोषयति, वर्धयति, लालयति च। पिता बालं रक्षति, शिक्षयति, अनुशास्ति च। यस्य पितरौ न स्तः, तस्य रक्षकः परमात्मा
एव। लोके सः दैवशक्त्या रक्ष्यते। यस्य कोऽपि बन्धुर्नास्ति तस्य बन्धुः दैवमेव। अथवा
यस्य भाग्यं बलवत्, सः अनाथो भूत्वापि न कष्टान्यनुभवति। यः कोऽपि
तं वर्धयति, पालयति च।
महापुरुषैः एवमप्युच्यते– वस्तुतः अनाथो नाम न
मातृपितृविहीनः, अपि तु भगवद्बलविहीनः। लोके भगवान् यस्य रक्षकः,
सः न कदापि अनाथो भवितुमर्हति। मातापितरौ भवतां न वा, गृहं भवतु न वा, यः भगवन्तं शरणं व्रजति, तस्य न कदापि हानिर्भवति। केचिदेवमपि वदन्ति–
सन्मित्रैर्विहीनः, सत्साङ्गत्यविहीनश्च अनाथ इति।
No comments:
Post a Comment