धनं नरस्य सम्बन्धि इव लोके रक्षति। धनेन विना सामान्यान्यपि कार्याणि
दुष्कराणि, नित्यावसरवस्तूनि दुर्लभानि च भवन्ति। धनाभावे
जीवनयापनं कष्टायते। धनेन विना संसारः निस्सारः। धनहीनाः, अल्पधनाश्च
जनाः अन्नपानादिकाय, वस्त्रवासादिकाय च नित्यं आकुला भवन्ति।
तेषां पुत्रादयः विद्यादिकं न प्राप्नुवन्ति। तेन वेतनवृत्त्यादीनि न लभन्ते। पुनः
ते निर्धनाः क्लिद्यन्ति। धनस्य सत्वे एव व्यवहारनिर्वहणाय सौकर्यं भवति।
बन्धुमित्रजनैः सह सम्बन्धबान्धव्यानि च सुष्ठु तिष्ठन्ति।
सत्यम्। परं तु रूप-धन-यशादीनि लोके यावत्पुण्यं तावदेव लभ्यन्ते । येषां
नितरां पुण्याभावः, तेषां कष्टान् अपाकर्तुं कोऽपि समर्थः न
भवति। तद्विधानां निर्भाग्यानां साहाय्यं यदि धनिकैः क्रियते, तदानीं निर्धनेभ्योऽपि जीवनं सुकरं भवति। धनिकैः निर्धनैश्च परस्परं
प्रयोजनपूर्तये यतितव्यम् ॥
No comments:
Post a Comment