घटः जलसञ्चयाय उपयुज्यते। जलाहरणायापि सः उपयुक्तो भवति। कदाचित् वारिणा
पूर्णो भवेत्, कदाचित् अर्धः एव जलयुक्तः भवेत्। सः यदा जलेन
समग्रं पूर्णः, तदा तस्मिन् शब्दः न भवति। तत्र स्थलं नावशिष्यते।
स्थलाभावे वायुः अन्तः न भ्रमति। अतः वायोः आकाशस्य च आलम्बनाभावे शब्दो न भवति।
यदा अर्ध एव जलः तस्मिन्, तदानीं कुम्भान्तजलस्य इतस्ततः
सञ्चलनेन शब्दः भवति। स एव घोषः।
साधुजनानां तुलना सम्पूर्णघटेन, असत्पुरुषाणां तु
अर्धपूर्णघटेन क्रियते। सज्जनमनांसि सम्पूर्णत्वेन पुष्टानि। अतः औद्धत्याभावः,
मौनाश्रयणं च दृश्यते। सतां व्यवहारः शान्तः, सन्तुलितः
च भवति। असत्पुरुषाणां तु मनस्सु सम्पूर्णत्वाभावात् सर्वदा चञ्चलता, प्रगल्भता च तिष्ठति। अतः असाधुः नरः स्वस्य असम्पूर्णतां गोपयितुम्,
अन्तःस्थितं हीनभावं रहः स्थापयितुम्, अहंकार-वर्धनाय
च बहु जल्पति।
लोकोक्तिरियं
तमेव भावं प्रकटयति॥
No comments:
Post a Comment